So'nggi yangiliklar

Ish haqi saqlanmaydigan ta’til berish masalasi umumiy qoida bo‘yicha mehnat shartnomasi tomonlarining kelishuvi bilan hal qilinadi va bu qoida Mehnat kodeksining 241-moddasida quyidagicha belgilangan: “Xodimning yozma arizasiga ko‘ra unga ish haqi saqlanmaydigan ta’til berilishi mumkin bo‘lib, uning davomiyligi xodim va ish beruvchi o‘rtasidagi kelishuvga ko‘ra belgilanadi”.
Ish haqi saqlanmaydigan ta’til xodim va ish beruvchining o‘zaro kelishuvi bilan rasmiylashtirilganligi sababli bunday ta’tildan muddatidan ilgari ishga chiqishga ham xuddi shunday o‘zaro kelishuv sharti majburiy deb hisoblaymiz.
Shunday qilib, ish haqi saqlanmaydigan ta’tilda bo‘lgan xodim ish beruvchiga ta’tilni muddatidan oldin bekor qilish va ishga chiqish to‘g‘risida iltimos bilan murojaat qilishga haqli. Ish beruvchi, o‘z navbatida, xodimning iltimosini qondirishi yoki rad etishi ham mumkin.

Gurlan tumani yuridik xizmat ko‘rsatish markazi bosh yuriskonsulti             Shoxrux Po‘latov